“Sabah” “Kaysar”a qalib gəldi

Türkiyənin Antalya vilayətinin Belek bölgəsində təlim-məşq toplanışını davam etdirən “Sabah” bu gün növbəti yoxlama oyununa çıxıb.

Komanda.az xəbər verir ki, paytaxt təmsilçisi Qazaxıstanın “Kaysar” klubu ilə qarşılaşıb. Belekdeki Hüseyn Aygün Futbol Mərkəzində keçirilən oyuna Bakı vaxtı ilə saat 17:00-da start verilib. “Kaysar” – “Sabah” oyunu 20 yanvar şəhidlərinin xatirəsinə bir dəqiqəlik sükutla başlayıb. “Sabah” matça qara sarğıyla çıxıb.

PFL-in “youtube” kanalı vasitəsilə canlı yayımlanan görüşdə qapılara 4 qol vurulub. Hesabı qazaxların açdığı matçda “Sabah” əzmkar qələbəyə sevinib.

“Sabah” bundan əvvəlki yoxlama matçlarında  “Akademika Klinçeni” (Rumıniya) ilə qolsuz bərabərə qalıb, “Pakş”a (Macarıstan) 0:2 hesabı ilə uduzub.

Yoxlama oyunu

19 yanvar

Sabah – Kaysar (Qazaxıstan) 3:1
Qol: Filip İvanoviç, 57. Ceyhun Nuriyev, 83. Mario Marina, 87.
Türkiyə, Hüzeyn Aygün Futbol Mərkəzi

Sabah: 1. Saşa Stamenkoviç, 13. Filip İvanoviç, 4. Bəhlul Mustafazadə, 19. Təmkin Xəlilzadə, 22. Məqsəd İsayev, 11. Şakir Seyidov, 30. Mario Marina, 26. Ozan Can Kökcü, 10. Cavid İmamverdiyev, 7. Coşqun Diniyev, 41. Marko Deviç.