“Səbail” rumınlarla heç-heçəyə razılaşdı

İyunun 18-dən etibarən Bolqarıstanın Bansko şəhərində təlim-məşq toplanışında olan “Səbail” bu gün üçüncü yoxlama oyununa çıxıb.

Komanda.az xəbər verir ki, paytaxt təmsilçisi bu dəfə Rumıniyanın “Klinçeni” klubu ilə üz-üzə gəlib. Qarşılaşma yerli vaxtla saat 18:30-da (Bakı vaxtı ilə 19:30) başlayıb və qolsuz başa çatıb.

“Səbail” toplanış çərçivəsində ilk iki yoxlama oyununu Bolqarıstan klublarına qarşı keçirib. “Lokomotiv” (Plovdiv) komandasına 0:1 hesabı ilə məğlub olan bakılılar, “Beroe” ilə görüşdə darmadağınla üzləşib – 0:4.

Yoxlama oyunu

28 iyun

Səbail – Klinçeni (Rumıniya) 0:0