“Səbail”in yubiley “sülh”ü

“Səbail” Azərbaycan Premyer Liqasında 20-ci heç-heçəsini edib.

Komanda.az xəbər verir ki, bu, 18-ci turun “Keşlə” ilə görüşünə təsadüf edib. 1:1 hesablı ev bərabərliyi Aftandil Hacıyevin baş məşqçisi olduğu komanda üçün yubiley “sülh”ü olub. Bunadək bakılılar 93 qarşılaşmadan 19-da 1 xalla kifayətlənmişdi. “Səbail” öz meydanında 11, səfərdə 9 dəfə heç-heçə edib.

“Səbail”in ilk heç-heçəsi 2017-ci il noyabrın 25-də “Sumqayıt”la səfər görüşündə rəsmiləşib – 0:0.