“Roma” türk futbolçusu ilə “nikah təzələdi”

İtaliyanın “Roma” klubu futbolçusu Cengiz Ündər ilə müqavilənin müddətini uzadıb.

Komanda.az xəbər verir ki, paytaxt təmsilçisi 22 yaşlı yarımmüdafiəçi ilə müddəti 2023-cü ilə qədər olan yeni müqavilə imzalayıb. Bu barədə klubun rəsmi saytı məlumat yayıb.

2017-ci ildə “Başakşəhər”dən “Roma”ya keçən Ündərin əvvəlki müqaviləsi 2022-ci ilin yayına qədər idi.

Ündər, ötən mövsüm “Roma”nın heyətində 33 oyuna 6 qol və 11 məhsuldar ötürmə müəllifi olub.

Yarımmüdafiəçi 19 dəfə də formasını geyindiyi Türkiyə millisində 6 qol vurub.