“Real”ın hücumçusu rəsmən İtaliya klubunda

İtaliyanın “Udineze” klubu heyətini yeni futbolçu ilə gücləndirib.

Komanda.az xəbər verir ki, A Seriyası təmsilçisi Madrid “Real”ının hücumçusu Kristo Qonsalesi heyətinə qatıb.

Bu barədə İtaliya klubunun mətbuat xidməti məlumat yayıb. 21 yaşlı forvard 1 illik icarəyə götürülüb.

“Tenerife”nin yetirməsi olan Qonsales, son iki mövsümdə “Real Kasyilya”nın formasını geyinib. O, bu komandada 72 oyuna 32 qola imza atıb. İspaniyalı hücumçu Madrid klubunun əsas komandasında da bir oyun keçirib.