Ramil Şeydayev Malkom və Şürrle ilə bir siyahıda

Rusiya mətbuatı bu yay Premyer Liqa klublarının etdiyi transferlərdən ən uğursuz olanlarının siyahısını dərc edib.

Komanda.az “soccer.ru” saytına istinadən xəbər verir ki, siyahıda Azərbaycan millisinin hücumçusu Ramil Şeydayev də yer alıb. Bu yay Mosvka “Dinamo”suna keçən Ramilin zəif çıxış etməsi bildirilib.

Siyahıda “Barselona”dan “Zenit”ə keçən Malkom, Dortmund “Borussiya”sından “Dinamo”ya keçən Maksimilian Filipp və “Spartak”a keçən Andre Şürrle kimi oyunçular da yer alıb.

Şeydayev bu mövsüm “Dinamo”nun heyətində 8 oyuna çıxıb və 1 məhsuldar ötürmə edib.