Rəşad Sadıqov – 300

Çempionlar Liqasının birinci təsnifat mərhələsi çərçivəsində Albaniyanın “Partizani” klubu ilə keçirilən ilk matç “Qarabağ”ın kapitanı Rəşad Sadıqov üçün əlamətdar olub.

Komanda.az klubun mətbuat xidmətinə istinadən xəbər verir ki, səfərdə keçirilən qarşılaşmada 37 yaşlı müdafiəçi, Ağdam təmsilçisinin heyətində 300-cü matçına çıxıb. Kapitan bu matçların 195-ni Azərbaycan Premyer Liqasında, 79-nu avrokuboklarda, 26-nı isə ölkə kubokunda keçirib.

Sadıqov bu matçlarda ümumilikdə 14 qolla yadda qalıb.