Qurban Qurbanov koronavirusa yoluxub

“Qarabağ”ın baş məşqçisi Qurban Qurbanovda koronavirus aşkarlanıb.

Komanda.az xəbər verir ki, bu barədə onun köməkçisi Elçin Rəhmanov məlumat verib.

O, Premyer Liqanın 11-ci turu çərçivəsində baş tutan “Səbail”lə səfər oyunundan (1:1) sonra baş tutan mətbuat konfransında Qurbanovun yoxluğunun məhz koronavirusla bağlı olduğunu bəyan edib.

Qeyd edək ki, “Qarabağ” ötən gün işğaldan azad olunmuş Ağdama da səfər etmişdi. Qurbanovun Ağdama yollananlar arasında olmaması xüsusi diqqət çəkmişdi. Bu gün isə onun “Səbail”lə matçda da iştirak etməməsinin səhhətindəki problemlə bağlı olduğu açıqlanmışdı.