“Azərbaycan çempionatının səviyyəsi çox aşağıdır” – “Bakı”nın keçmiş baş məşqçisi

“Bakı”nın sabiq baş məşqçisi Milinko Pantiç Azərbaycan Premyer Liqası ilə bağlı açıqlama verib.

Komanda.az xəbər verir ki, Rusiyanın “İzevstiya” nəşrinə danışan serbiyalı mütəxəssis, çempionatda inkişafın olmadığını bildirib:

“Azərbaycan çempionatının səviyyəsi çox aşağıdır. Mən orda çalışanda, əsas liqada 10 komanda var idi. İndi isə 8 komanda qalıb ki, bu da çox azdır. Mən orda işləyəndə güclü legionerlər var idi, indi demək olar ki, onlar qalmayıblar. Bundan başqa, çempionatda rəqabət də yoxdur. Rəqabət yoxdursa, irəliləyiş də ola bilməz. “Qarabağ” digər komandalardan bir neçə dəfə üstündür. Mövsüm başlamazdan əvvəl “Qarabağ”ın çempion olacağını əminliklə demək olar. Hətta “Neftçi”nin də liderlə rəqabət aparmaq imkanı yoxdur”.

53 yaşlı mütəxəssis 2013-2014-cü illər mövsümündə “Bakı”nın “sükanı arxasında” olub.

Bizi Telegramda izləyin

Bizi Facebook-da izləyin

Əlaqəli yazılar

Back to top button