Premyer Liqa klubunda ispan müdafiəçi

İngiltərənin “Lids” klubu “Real Sosyedad”ın müdafiəçisi Dieqo Lyorenteni transfer etdiyini rəsmən açıqlayıb.

Komanda.az xəbər verir ki, bu barədə Premyer Liqa təmsilçisinin rəsmi saytı məlumat yayıb.

İspan futbolçu ilə 4 illik müqavilə imzalanıb. Transferin digər detalları barədə məlumat verilməyib.

Madrid “Real”ının yetirməsi olan, İspaniya millisində də oynamış Lyorente, “Real Sosyedad”da 2017-ci ildən forma geyinirdi. 27 yaşlı futbolçu karyerası ərzində “Rayo Valyekano” və “Malaqa”nın da uğurları üçün çalışıb.