“Onun “Qarabağ”a transferi tamamlanıb” – Klub prezidenti

Portuqaliya ikinci Liqa təmsilçisi “Şaveş”in futbolçusu Kevin Medinanın karyerasını növbəti mövsümdən “Qarabağ”da davam etdirəcəyi dəqiqləşib.

Komanda.az xəbər verir ki, sözügedən klubun prezidenti Fransisku Joze Karvalyu “Sinal TV”yə açıqlamasında kolumbiyalı müdafiəçinin Ağdam təmsilçisinə transferini təsdiqləyib:

“Transfer tamamlanıb. Yalnız tibbi müayinədən keçmək qalır. Ancaq beynəlxalq uçuşlar olmadığı üçün bu məsələ qalıb”.

Karvalyu Ağdam klubundan alacaqları təzminat barədə məlumat verməyib.

Qeyd edək ki, 2019-cu ildən “Şaveş”də oynayan Medina bu mövsüm 11 oyunda meydana çıxıb. Onun “Qarabağ”la 3 illik müqavilə imzalayacağı bildirilir.

Bizi Telegramda izləyin

Bizi Facebook-da izləyin

Əlaqəli yazılar

Back to top button