“Neftçi”nin hazırlıq planı açıqlandı

“Neftçi” PFK-nın 2019/2020-ci illər mövsümünə hazırlıq planı müəyyənləşib.

Komanda.az paytaxt klubunun rəsmi saytına istinadən xəbər verir ki, hazırlığın ilk mərhələsi iyunun 10-dan 15-dək Bakıda baş tutacaq.

Bu müddət ərzində tibbi baxışdan keçəcək komanda üzvləri fiziki testləri də yerinə yetirəcəklər.

Təlim-məşq toplanışının ikinci mərhələsi isə iyunun 15-dən iyulun 1-dək Türkiyədə olacaq. Topuk yaylası bölgəsində yerləşən “Fenerbahçe Topuk Yaylası Resort and Sport” otelində məskunlaşacaq komanda qardaş ölkədə 3 yoxlama görüşü keçirməyi planlaşdırır. Oyunlar iyunun 20, 25 və 30-da olacaq. Rəqiblər haqda daha sonra ətraflı məlumat veriləcək.