“Neftçi” Küveyt klubuna məğlub oldu

“Neftçi”nin əvəzedici komandası yeni mövsümə hazırlıq çərçivəsində növbəti yoxlama oyununu keçirib.

Komanda.az xəbər verir ki, “ağ-qaralar” klubun öz bazasında Küveyt təmsilçisi “Əl Salmiya” ilə qarşılaşıb və 1:4 hesabı ilə məğlub olub. “Neftçi”nin əvəzedicilərinin heyətində Ülvi İbrahimov fərqlənib.

Qeyd edək ki, “Neftçi-2” bundan əvvəlki sınaq matçlarında “Zirə-2” (8:2), “Sumqayıt-2” (3:2) və “Keşlə-2”yə (5:3) qalib gəlmişdi.