“Neftçi” ilə oyunda daha yaxşı işlər görəcəyik” – Burqştaller

“Bu matçdakı kimi qol şansları yaratsaq, “Neftçi” ilə cavab oyununda daha yaxşı işlər görəcəyik”. 

Komanda.az xəbər verir ki, bu sözləri “Rapid”in (Vyana) futbolçusu Qvido Burqştaller evdə Lustenau “Austriya”sı ilə 1:1 heç-heçə etdikləri Avstriya Bundesliqasının 3-cü tur matçından sonra deyib. 

O, karyerasında bəzən çətinliklər çəkdiyini bildirib:

“Ancaq biz indi də bunun öhdəsindən gələcəyik”. 

“Neftçi” UEFA Konfrans Liqasının 3-cü təsnifat mərhələsinin Bakıdakı ilk qarşılaşmasında “Rapid”ə 2:1 hesabı ilə qalib gəlib. Komandalar arasında cavab matçı avqustun 11-də Vyanada keçiriləcək.