Monteneqro – Azərbaycan oyunu bu stadionda keçiriləcək

Azərbaycan milli komandasının UEFA Millətlər Liqasındakı rəqibi Monteneqro yığmasının turnirdə ev oyunlarını keçirəcəyi stadion müəyyənləşib.

Komanda.az turnirin saytına istinadən xəbər verir ki, Monteneqro yığması rəqiblərini “Podgorica City Stadium”da qəbul edəcək. Millinin Azərbaycanla oktyabrın 10-da keçiriləcək görüşü də bu stadionda olacaq.

Azərbaycan turnirdə ilk oyununu sentyabrın 5-də, Bakı Olimpiya Stadionunda Lüksemburqa qarşı keçirəcək.