“Milan” yeni transferini rəsmən açıqladı

İtaliyanın “Milan” klubu heyətini yeni futbolçuyla gücləndirib.

Komanda.az xəbər verir ki, “qırmızı-qaralar” “Cenoa”dan Kşiştof Pyateki transfer edib. Bu barədə klubun mətbuat xidməti məlumat yayıb.

Polşalı forvardla 2023-cü ilin yayına qədər müqavilə imzalanıb.

Pyatek cari mövsümdə “Cenoa”nın heyətində A Seriyasında çıxdığı 20 matçda 14 qol vurub.