“Milan” İbrahimoviçi itirdi

“Milan”ın hücumçusu Zlatan İbrahimoviç uzun müddət yaşıl meydanlardan kənarda qala bilər.

Komanda.az İtaliya mətbuatına istinadən xəbər verir ki, isveçli forvard komandasının son məşqlərindən birində zədələnib.

Həkimlərin ilkin qənaətinə görə, onun zədəsi tez bir zamanda sağalmayacaq. 38 yaşlı futbolçunun həm əzələsindən zədə aldığı, həm də mövsümün əvvəlindən dabanında yaranan ağrının gücləndiyi bildirilib. Ətraflı müayinədən sonra klubun dəqiq açıqlama yayması gözlənilir.

Bu mövsüm “Milan”ın heyətində 10 oyuna çıxan İbrahimoviç 4 qol, 1 məhsuldar ötürmə müəllifi olub.

Bizi Telegramda izləyin

Bizi Facebook-da izləyin

Əlaqəli yazılar

Back to top button