“Levandovskini “Barselona”ya satmayacağıq”

Almaniyanın “Bayern” klubunun idman direktoru Həsən Salihamiciç komandanın hücumçusu Robert Levandovskinin gələcəyi haqda açıqlama verib.

Komanda.az Almaniya mətbuatına istinadən xəbər verir ki, klub rəsmisi, polşalı futbolçunu “Barselona”ya satmayacaqlarını bildirib:

“Barselona” 40-50 milyon avro təklif etsə belə, Levandovskini satmayacağıq. Bu o deməkdir ki, o, növbəti mövsümdə də “Bayern”də qalacaq. Onun bizimlə 2023-cü ilə qədər müqaviləsi var”.

“Barselona”nın Levandovski ilə yaxından maraqlandığı bildirilir.

“Transfermarkt”da 33 yaşlı futbolçunun dəyəri 50 milyon avro göstərilir.

Levandovski cari mövsümdə 31 matçda 33 qol vurub və 3 məhsuldar ötürmə edib.

Bizi Telegramda izləyin

Bizi Facebook-da izləyin

Əlaqəli yazılar

Back to top button