“Kəpəz”də aylıq maaşım 6 min avro idi” – portuqaliyalı hücumçu

“Kəpəz”in sabiq futbolçusu Serjinyo Karneyro Portuqaliya mətbuatına müsahibə verib.

Komanda.az “maisfutebol.iol.pt” saytına istinadən xəbər verir ki, 30 yaşlı portuqaliyalı hücumçu, Gəncə klubunda aylıq 6 min avro maaş aldığını deyib:

“Bir il “Trofense”də maaş almadan oynadım. Oada oynamağın çətin olduğunu artıq qəbul etmişdim. “Portu” və “Setubal”ın sabiq futbolçusu Joao Kostanın məsləhəti ilə Azərbaycana getdim. Əslində bu ölkəyə 2013-cü ildə gedə bilərdim, lakin 2016-da getdim. Əvvəl qazana biləcəyim pulun yarısına razılaşdım. “Kəpəz”də aylıq maaşım 6 min avro idi. Amma “Trofense”də bir qəpik qazanmadım. Avropa Liqasına vəsiqə qazanmadığımız üçün rəhbərlik hamını qovdu”.

Serjinyo 2016/17 mövsümündə “Kəpəz”in formasını geyinib. Hücumçu hazırda klubsuzdur.