“Milan” bunu da yaşadı

İtaliyanın “Milan” klubu Çempionlar Liqasında antirekorda imza atıb.

Komanda.az xarici mətbuata istinadən xəbər verir ki, “qırmızı-qaralar” klub tarixində ilk dəfə Çempionlar Liqasının qrup mərhələsində ilk 3 oyununda da uduzub.

7 dəfə Çempionlar Liqasının qalibi olan “Milan” daha əvvəl heç vaxt ilk üç turda məğlubiyyətlə üzləşməmişdi.

“Milan” qrup mərhələsinin ilk turunda İngiltərə “Liverpul”una 2:3, 2-ci turda İspaniya “Atletiko”suna 1:2, 3-cü turda isə Portuqaliya “Portu”suna 0:1 hesabıyla məğlub olub.