İtaliya mətbuatı: “Qarabağ”ın 500 min avroluq təklifi qəbul edilmədi

Azərbaycanı Çempionlar Liqasında təmsil edən “Qarabağ”ın İtaliyanın “Udineze” klubunun qapıçısı Simone Skuffeti transfer etmək istədiyini xəbər vermişdik.

Komanda.az “udineseblog.it” saytına istinadən xəbər verir ki, bu transfer baş tutmayıb. 23 yaşlı qapıçını birdəfəlik transfer etmək şərti ilə icarəyə götürmək istəyən “köhlən atlar”, bunun üçün İtaliya klubuna 500 min avro təklif edib. “Udineze” isə bu təklifdən imtina edib.

2013-cü ildən “Udineze”nin əsas heyətində çıxış edən italiyalı qapıçı, son mövsümü icarə əsasında Türkiyənin “Kasımpaşa” klubunda keçirib. Onun İtaliya klubu ilə müqaviləsi 2022-ci ilədək nəzərdə tutulub.