Premyer Liqa klubundan ayrılacaqlar – Millinin sabiq üzvləri

İngiltərənin “Bernli” klubunun iki futbolçusu – Co Hart və Aron Lennon mövsümün sonunda komandanı tərk edəcək.

Komanda.az xəbər verir ki, bu barədə “Daily Mail” nəşri məlumat yayıb. Xəbərdə, hər iki futbolçunun mövsümün sonunda bitən müqavilələrini yeniləməyəcəkləri bildirilib.

Hart “Bernli” ilə bu mövsüm Premyer Liqa matçlarında iştirak etməyib. Lennon isə çempionatda 16 oyuna çıxıb.

İngiltərə milli komandasının sabiq üzvləri olan Lennon və Hart 2018-ci ildən “Bernli”də çıxış edir.