10,5 milyon avroluq mükafat

İlk dəfə keçirilən UEFA Millətlər Liqasının qalibi Portuqaliya millisi olub.

Komanda.az xarici mətbuata istinadən xəbər verir ki, həlledici görüşdə Hollandiya yığmasını minimal hesabla məğlub edən Portuqaliya, turnirin qalibi olduğu üçün 10,5 milyon avro mükafat qazanıb. Digər finalçı Hollandiya isə 9 milyon avro mükafat alıb.

Millətlər Liqasının bürünc medalçısı İngiltərə millisi 8 milyon, 4-cü yerin sahibi İsveçrə isə 7 milyon avro gəlir əldə edib.

İngiltərə millisi 3-cü yer uğrunda matçda İsveçrəni penaltilər seriyasında məğlub edib (6:5).