Girov götürülən milli üzvləri azadlığa buraxıldı

Nigeriyada kimliyi bilinməyən silahlı adamlar tərəfindən girov götürülən futbolçular azadlığa buraxılıb.

Komanda.az xəbər verir ki, bu barədə yerli mətbuata Nigeriya polisindən məlumat verilib.

Məlumatda bildirilir ki, Nigeriya millisinin də üzvü olan Dayo Ojo və Benjamin İluyomade artıq azadlıqdadı. Əməliyyatın detalları açıqlanmasa da, hər iki futbolçunun sağlıq durumunun qaydasında olduğu diqqətə çatdırılıb.

Xatırladaq ki, Ojo və İluyomade iki gün əvvəl ölkənin Benin-Akure yolunda avtomobillə hərəkətdə olarkən naməlum şəxslər tərəfindən saxlanılmışdılar. Cinayətkarlar qaçırılan futbolçuların sərbəst buraxılması üçün 100 milyon naira (təxminən 450 min AZN) tələb etmişdilər.

Bizi Telegramda izləyin

Bizi Facebook-da izləyin

Əlaqəli yazılar

Back to top button