“Dedim ki, danışma, oyna” – Müsahibə

“Zirə” yoxlama oyununda “Sabah”a 3:5 hesabıyla məğlub olub.

Komanda.az xəbər verir ki, “Zirə”nin baş məşqçisi Samir Abasov sözügedən qarşılaşmadan sonra jurnalistlərin suallarını cavablandırıb:

• Oyunla bağlı fikirləriniz nədir?
• Yoldaşlıq görüşləri ilə bağlı o biri məşqçilər nə deyirsə, mən də onu deyəcəm. “Qəbələ” ilə oyundan sonra əsas olan tonusu saxlamaq idi. Yavaş-yavaş, getdikcə artıq başlayırsan oyunçulardan nələrsə tələb etməyə. Bu oyunlarda futbolçular 100 faizə çatmasalar da, 50, 60, faizə çatsalar, böyük şeydir. Oyunçulardan bunları istəyirsən.
• Yeni transferlər necədir?
• Yeni transferləri siz məndən də yaxşı tanıyırsız. Cavidin, Elvinin keyfiyyətindən danışmağa ehtiyac yoxdur. Hamısından razıyıq. Bundan sonra gələnlər də təki yaxşı olsun.
• Neçə legioner gözlənilir?
• 3 nəfər.
• Adlar?
• Adlar yoxdur. Bir mövqedə 3 oyunçu var, biri razılıq verməsə, o birinə keçirsən. Bu gün Azərbaycana oyunçu gətirmək həqiqətən çətindir.
• Türkiyədəki hazırlıq planı necədir?
• Bundan sonra Azərbaycanda iki yoxlama oyunu istəyirik. Onlarda biri “Keşlə”dir. Ayın 13-də oynayırıq. Sonra 18-də də bir yoxlama oyunu olacaq, rəqib axtarırıq. Sonra Türkiyəyə gedəcəyik. İki həftəlik toplanışımız olacaq. Orda da 4 yoxlama oyunu olacaq. Rəqiblər hələ bilinmir.
• Bir epizodda oyunçuya əsəbiləşmişdiz…
• Bəli, dedim ki, danışma, oyna. Dedim ki, yoxlama oyunları danışmaq üçün deyil, çempionatda danışarıq. Gənc oyunçuları bir az “hava”ya salmaq lazımdır.

Şahin Cəfərov