Gələn həftə çempionatı bərpa edəcəklər

Koronavirusa görə dayandırılan futbol üzrə Estoniya çempionatının taleyinə aydınlıq gəlib.

Komanda.az xəbər verir ki, bu ölkədə yüksək liqanın davam etdirilməsinə qərar verilib.

Bu barədə turnirin rəsmi saytı məlumat yayıb. Xəbərdə liqanın mayın 19-da bərpa olunacağı diqqətə çatdırılıb.

Qeyd edək ki, Estoniya çempionatı 1-ci turun oyunlarından sonra dayandırılmışdı. Beləliklə, gələn həftə, mayın 19-da 2-ci turun üç, bir gün sonra isə iki qarşılaşması keçiriləcək.