Milli komandada baş məşqçi ayrılığı

Futbol üzrə Özbəkistan milli komandası baş məşqçisi Hektor Kuperlə yollarını ayırıb.

Komanda.az xəbər verir ki, bu barədə Özbəkistan Futbol Federasiyasının mətbuat xidməti məlumat yayıb. Kuperin müqaviləsinə qarşılıqlı razılaşma əsasında xitam verilib.

Kuper, Özbəkistan milli komandası ilə 2018-ci ilin avqustunda 3 illik müqavilə imzalamışdı.

Kuperin rəhbərliyi altında Özbəkistan millisi 17 oyun keçirib. Yığma bu oyunlarda 7 qələbə qazanıb, eyni sayda da məğlub olub.