“Kəpəz” də dayandı

Futbol üzrə Azərbaycan 1-ci divizionunda mübarizə aparan “Kəpəz”in əsas komandası məşqləri dayandırıb.

Komanda.az xəbər verir ki, bu barədə klubun rəsmi “facebook” səhifəsi məlumat yayıb. Koronavirus pandemiyasının dünyada geniş yayılması səbəbindən Nazirlər Kabineti yanında Operativ Qərargahın verdiyi qərarla əlaqədar olaraq “sarı-göylər”in hazırlıq proseslərinə müvəqqəti olaraq fasilə verilib.

Bir müddət öncə klubun aşağı yaş qrupları üzrə bütün komandalarının məşqləri də qeyri-müəyyən vaxta kimi təxirə salınıb.