Fransada ayın ən yaxşısı seçildi – Yusuf Yazıcı

Futbol üzrə Fransa çempionatında dekabr ayının ən yaxşı oyunçusu müəyyənləşib.

Komanda.az xəbər verir ki, “Lill”in türk yarımmüdafiəçisi Yusuf Yazıcı ötən ayın ən yaxşısı seçilib.

Bu barədə Liqa 1-in rəsmi saytı məlumat yayıb. Yusufla yanaşı, dekabrın ən yaxşısı adına Lion “Olimpik”indən Tino Kadevere və Karl Toko-Ekambi də namizəd idi. Amma sorğunun yekununda Türkiyə millisinin üzvü digər iki namizədi qabaqlayıb.

Yusuf Yazıcı dekabr ayında “Lill”in heyətində meydana çıxdığı 5 oyunda 2 qol və 1 məhsuldar ötürmə müəllifi olub.

Xatırladaq ki, Yusuf Yazıcının komanda yoldaşı Burak Yılmaz da “Lill”in dekabr ayındakı ən yaxşı oyunçusu seçilib. Yusuf da noyabrda “Lill”də ayın futbolçusu elan olunmuşdu.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button