Fransa klubundan Super Liqaya transfer – RƏSMİ

Türkiyənin “Trabzonspor” klubu heyətini yeni futbolçu ilə gücləndirib.

Komanda.az xəbər verir ki, Super Liqa təmsilçisi Marsel “Olimpik”ində forma geyinən Yusuf Sarını transfer edib.

Bu barədə klubun rəsmi saytı məlumat yayıb. 20 yaşlı futbolçu ilə 3 illik müqavilə imzalanıb.

Fransada anadan olan Yusuf Sarı, məhz Marsel klubunun yetirməsidi. O, 2017-ci ildə Fransa təmsilçisi ilə peşəkar müqavilə imzalamışdı. “Olimpik” geridə qalan mövsümdə onu Liqa 2 təmsilçisi “Klermon”a icarəyə vermişdi.

Yusuf Sarı Türkiyənin U-21 komandasının da formasını geyinir.

“Trabzonspor” daha öncə “Əskişəhərspor”dan cinah oyunçusu Fırat Can Üzümü transfer etmişdi.

Bizi Telegramda izləyin

Bizi Facebook-da izləyin

Əlaqəli yazılar

Back to top button