“Flamenqo”dan baş məşqçi ilə yeni müqavilə

Braziliyanın “Flamenqo” klubu baş məşqçisi Jorje Jezusla müqavilənin müddətini uzadıb.

Komanda.az xəbər verir ki, bu barədə klubun rəsmi saytı məlumat yayıb.

65 yaşlı portuqaliyalı mütəxəssislə anlaşmanın müddəti daha 1 il artırılıb. Əvvəlki müqavilənin müddəti bu mövsümün sonuna qədər idi.

Jezus Braziliya klubunu 2019-cu ilin iyun ayından etibarən çalışdırır. O, daha öncə “Benfika”, “Sportinq (Lissabon), “Braqa” və “Vitoriya” (Gimaraynş) kimi klublarda da baş məşqçi olub.