Emil Balayevli “Tobol”dan inamlı qələbə – VİDEO

Futbol üzrə Qazaxıstan çempionatında 22-ci turun oyunları keçirilib.

Komanda.az xəbər verir ki, Azərbaycan yığmasının qapıçısı Emil Balayevin formasını geyindiyi “Tobol” da növbəti matçına çıxıb.

Sözügedən klub səfərdə “İrtış”la qarşılaşıb. Futbolçumuzun komandası bu oyundan qələbə ilə ayrılıb – 2:0.

Emil də bu görüşün iştirakçısı olub. O, start heyətdə meydana çıxıb və sonadək mübarizə aparıb.

“Tobol” hazırda 45 xalla 12 kollektiv arasında 1-ci pillədə qərarlaşıb.