Edqar Davids Portuqaliya klubunda

Futbol üzrə Niderland yığmasının sabiq yarımmüdafiəçisi Edqar Davids özünə yeni iş yeri tapıb.

Komanda.az xəbər verir ki, o, bundan sonra Portuqaliyanın “Olhanense” klubuna baş məşqçilik edəcək.

Bu barədə üçüncü divizion klubunun mətbuat xidməti məlumat yayıb. Davids “Olhanense”ni Portuqaliyanın yüksək liqasına qaytarmağa çalışacaq.

Qeyd edək ki, Davids 2012-2014-cü illər aralığında “Barnet”ə rəhbərlik etsə də, ondan sonra işsiz idi. 47 yaşlı məşqçi futbolçu karyerası dönəmində “Ayaks”, “Milan”, “Yuventus”, “Barselona”, “İnter”, “Tottenhem”, “Kristal Pelas” kimi klublarda çıxış edib.

Bizi Telegramda izləyin

Bizi Facebook-da izləyin

Əlaqəli yazılar

Back to top button