Dortmund “Borussiya”sında yeni müqavilə

Almaniyanın “Borussiya” (Dortmund) klubu Sebastyan Kel ilə müqavilənin müddətini uzadıb.

Komanda.az xəbər verir ki, bu barədə Bundesliqa təmsilçisinin rəsmi saytı məlumat yayıb.

Yeni müqaviləyə əsasən, Sebastyan 2022-ci ilin sonuna qədər Dortmund təmsilçisinin direktoru kimi çalışmağa davam edəcək. 40 yaşlı mütəxəssis 2018-ci ildən “Borussiya”da çalışır.

Qeyd edək ki, Almaniya yığmasının sabiq yarımmüdafiəçisi karyerasının böyük hissəsini (2002-2015) məhz “Borussiya”da keçirib.