“Bu problemi ən qısa zamanda həll etməliyik” – Pike

Çempionlar Liqasında “Slaviya” ilə qolsuz bərabərə qalan “Barselona”nın futbolçusu Jerar Pike açıqlama verib.

Komanda.az xarici mətbuata istinadən xəbər verir ki, ispaniyalı müdafiəçi, sərgilədikləri oyunu tənqid edib:

“Hazırkı oyun səviyyəmizlə Çempionlar Liqasını qazana bilmərik. Bu problemi ən qısa zamanda həll etməliyik. Səbrli olmalı və inkişaf etməliyik.

İstədiyimiz kimi oynaya bilmirik. Amma həm La Liqa, həm də Çempionlar Liqasında liderik. Əlbəttə, nəticələr daha yaxşı ola bilərdi. Bunu həll edəcəyimizə inanıram”.