“Çelsi”nin futbolçusunda koronavirus aşkarlandı

İngiltərənin “Çelsi” klubunun yarımmüdafiəçisi Mateo Kovaçiçdə koronavirus aşkarlanıb.

Komanda.az xəbər verir ki, bu barədə komandanın baş məşqçisi Tomas Tuxel açıqlama verib.

O, UEFA Çempionlar Liqasının qrup mərhələsinin 6-cı turu çərçivəsində Rusiya “Zenit”inə qarşı keçirəcəkləri matçdan öncə baş tutan mətbuat konfransında xorvatiyalı futbolçudan götürülmüş koronavirus testinin pozitiv çıxdığını diqqətə çatdırıb. 27 yaşlı yarımmüdafiəçi karantinə alınıb.

Sabah Sankt-Peterburqda baş tutacaq “Zenit” – “Çelsi” matçına Bakı vaxtı ilə saat 21:45-də start veriləcək.