“Cari mövsüm davam etdirilməsə, daha yaxşı olar” – Mançini

Futbol üzrə İtaliya millisinin baş məşqçisi Roberto Mançini İtaliya A Seriyası ilə bağlı açıqlama verib.

Komanda.az “La Gazetta dello Sport”a istinadən xəbər verir ki, 55 yaşlı mütəxəssis, koronavirus pandemiyası səbəbiylə dayandırılan A Seriyasının taleyi ilə bağlı bunları deyib:

“Düşünürəm ki, cari mövsüm davam etdirilməsə, daha yaxşı olar. Futbolçular yayda ard-arda çox oyun keçirsələr, daha çox zədələnə bilərlər. Sentyabr ayında millinin Millətlər Liqası və DÇ-2022-nin seçmə mərhələsi iə bağlı sıx qrafiki olacaq. Komandaya daha çox futbolçu çağırmağa məcbur ola bilərik. Futbolçularım ən qısa müddətdə meydana qayıtmaq istəyir və ümid edirəm ki, bunu bacara bilərik”.