Bundesliqa klubunda yeni müqavilə

Almaniyanın “Bayer” klubu braziliyalı futbolçusu Vendell ilə müqavilənin müddətini uzadıb.

Komanda.az xəbər verir ki, bu barədə klubun mətbuat xidməti məlumat yayıb.

26 yaşlı cinah müdafiəçisi ilə 2021-ci ilin yayında başa çatmalı olan müqavilənin müddəti daha bir il artırılıb. Beləcə, Vendell 2022-ci ilin 30 iyun tarixinə kimi “Bayer”in uğurları üçün çalışmağa davam edəcək.

Vendell 2014-cü ildən “Bayer”də forma geyinir. O, indiyə qədər Bundesliqada meydana çıxdığı 160 oyunda 7 qola imza atıb.