Bundesliqa klubunda yeni müqavilə

Almaniyanın “Bayer” klubu futbolçusu Çarles Aranqislə yeni müqavilə imzalayıb.

Komanda.az xəbər verir ki, bu barədə Leverkuzen təmsilçisinin rəsmi saytı məlumat yayıb.

31 yaşlı yarımmüdafiəçi ilə müqavilənin müddəti 2023-cü ilin iyununa qədər uzadılıb.

Qeyd edək ki, çilili futbolçu 2015-ci ildə Braziliyanın “İnternasional” klubundan “Bayer”ə transfer olunub. O, bu mövsüm Bundesliqada 18 matçda 1 qol vurub, 3 məhsuldar ötürmə müəllifi olub. Çili millisinin üzvü Bundesliqa təmsilçisində bütövlükdə 130 oyun keçirib, 12 qola imza atıb.