“Atletiko” doğma meydanda xal itirdi

Futbol üzrə İspaniya La Liqasında 22-ci tura yekun vurulub.

Komanda.az xəbər verir ki, turun açılış matçında autsayderlər sırasında yer alan “Alaves” doğma meydanda “Valyadolid”i qəbul edib. Meydan sahibləri bu oyundan minimal hesabla qalib ayrılıblar.

Son turda “Levante”yə uduzan “Real” bu dəfə “Hueska” səfərinə yollanıb. Madrid klubu rəqibini 2:1 hesabıyla məğlub edib.

Bazar günü daha dörd görüş baş tutub. “Real Sosyedad” “Kadis” üzərində darmadağına sevinibsə, “Atletik” – “Valensiya” matçında qalib müəyyənləşməyib. “Osasuna” “Eybar”ı məğlub yola salıb.

Ronald Kumanın rəhbərlik etdiyi “Barselona” bu tur çərçivəsində çətin “Betis” səfərinə yollanıb. Kataloniya təmsilçisi də turu çətin qələbəylə başa vurub.

Lider “Atletiko” “Selta”nı qəbul edib. Madrid klubu dörd qolun qeydə alındığı bu oyundan xal itkisi ilə ayrılıb.

İspaniya La Liqası, 22-ci tur

5 fevral

Alaves – Valyadolid 1:0
Qol
: Xoselu, 66.

6 fevral

Levante – Qranada 2:2
Qol:
Morales, 30; 67 – Kenedi, 43. Soldado, 90+2.

Hueska – Real 1:2
Qol:
Qalan, 48 – Varan, 55; 84.

Elçe – Vilyarreal 2:2
Qol:
Karillo, 49. Boy, 64 – Moreno, 16; 35.

Sevilya – Xetafe 3:0
Qol:
Munir, 67. Qomes, 87. En Nesiri, 89.

7 fevral

Real Sosyedad – Kadis 4:1
Qol
: Oyarzabal, 26-pen; 34. İsak, 54; 59 – İskerdo, 65.

Atletik – Valensiya 1:1
Qol
: Sanmartin, 43 – Qabriel, 65.

Osasuna – Eybar 2:1
Qol
: Kalyeri, 18. Budimir, 86 – Kike, 44.

Betis – Barselona 2:3
Qol
: B.İqlesias, 38. Ruis, 75 – Messi, 59. Ruis, 68-öz qapısına. Trinkao, 87.

8 fevral

Atletiko – Selta 2:2
Qol
: L.Suares, 45; 50 – Mina, 13. Ferreyra, 89.

Bombardir: Luis Suares (Atletiko) – 16 qol.

Bizi Telegramda izləyin

Bizi Facebook-da izləyin

Əlaqəli yazılar

Back to top button