“Lion” səfərdə, “Marsel” evdə qələbə qazandı

Futbol üzrə Fransa çempionatında 15-ci tura yekun vurulub.

Komanda.az xəbər verir ki, turun açılış matçında “Lans” doğma meydanda “Anje”ni qəbul edib. Dörd qolun qeydə alındığı bu oyunda qalib müəyyənləşməyib.

Bu mövsüm uğursuz çıxış edən “Lill”in rəqibi “Nant” olub. Son çempion bu oyundan da xal itkisi ilə ayrılıb. “Nitsa” isə evdə “Mets”ə uduzub.

Lider PSJ səfərdə “Sent-Etyen”in müqavimətini qırmağa çalışıb. Hesabı meydan sahibləri açıblar. Amma Paris təmsilçisi qalan dəqiqələrdə 3 qol vurmaqla əzmkar qələbə qazanıb. “Monako” “Strasburq”la oyundan heç-heçə ilə ayrılıb. “Lion” “Monpelye”ni sınağa çəkib və minimal hesabla qalib gəlib. Tura “Marsel” – “Trua” matçıyla yekun vurulub. Bu oyunda isə meydan sahibləri minimal hesabla üstün olublar.

Fransa Liqa 1, 15-ci tur

26 noyabr

Lans – Anje 2:2
Qol
: Kakuta, 48. Sotoka, 55 – Bufal, 40. Tomas, 70.

27 noyabr

Lill – Nant 1:1
Qol
: B.Yılmaz, 9 – Blas, 24.

Nitsa – Mets 0:1
Qol
: Kentonze, 31.

28 noyabr

Sent-Etyen – PSJ 1:3
Qol
: Buanqa, 23 – Markinyos, 45+1; 90+1. Di Mariya, 79.

Bordo – Brest 1:2
Qol
: Qreqersen, 43 – Le Duaron, 60; 66.

Loryan – Renn 0:2
Qol
: Labord, 75. Doku, 78.

Monako – Strasburq 1:1
Qol
: Ben Yedder, 45+1-pen – Ayorke, 48-pen.

Reyms – Klermon 1:0
Qol
: Kanon, 90+1.

Monpelye – Lion 0:1
Qol
: Paketa, 17.

Marsel – Trua 1:0
Qol
: Lirola, 74.

Bombardir: Conatan Devid (Lill) – 10 qol.

Bizi Telegramda izləyin

Bizi Facebook-da izləyin

Əlaqəli yazılar

Back to top button