Bonilyanın rekordu təkrarlandı

“Zirə”nin futbolçusu Xulio Sezar Rodriqes Azərbaycan Premyer Liqasında 3-cü dəfə dubla imza atıb.

Komanda.az xəbər verir ki, bu, 12-ci turun “Keşlə” ilə qarşılaşmasında baş verib. Hücumçu, klubun tarixinə Premyer Liqada ən çox dubl edən futbolçu adına şərik çıxıb.

Rodriqes ilk iki dubluna ötən mövsüm səfər görüşlərində imza atıb. Onun iki qol vurduğu ilk komanda da “Keşlə” olub və komandası da 3:1 hesabı ilə qalib gəlib. Bu matçdan 6 gün sonra – mayın 11-də “Sabah”la rəqib meydanındakı qarşılaşmada da iki top vuran forvard 3:0 hesablı qələbədə rol oynayıb.

Cari mövsümdə və ev oyunlarında ilk dublunu gerçəkləşdirən Xulio ümumilikdə 3-cü dəfə buna nail olmaqla, salvadorlu hücumçu Nelson Bonilyanın rekordunu təkrarlayıb. Paraqvaylının dublları eyni ilə, lakin fərqli mövsümlərə təsadüf edibsə, Bonilya eyni mövsüm, amma fərqli illərdə bunu gerçəkləşdirib. O, 2015/16 mövsümündə “Kəpəz” və “Rəvan”a ev, “Qəbələ”yə səfərdə 2 qol vurub. İlk görüş 2015, digərləri 2016-da baş tutub.

Bu, “Zirə”nin futbolçularının Premyer Liqada 16-cı dublu olub. Hərəyə üç dəfə fərqlənən Bonilya və Rodriqesdən başqa, daha bir oyunçu bir dəfədən artıq dubl müəllifidir. Bu, iki belə uğuru olan Təmkin Xəlilzadədir.

Bizi Telegramda izləyin

Bizi Facebook-da izləyin

Əlaqəli yazılar

Back to top button