“Qarabağ”dan ayrılan futbolçu Polşa klubunda

Bir müddət əvvəl “Qarabağ”dan ayrılan Yakub Jezniçak karyerasını Polşada davam etdirəcək.

Komanda.az xəbər verir ki, 32 yaşlı müdafiəçi “Visla” klubuna transfer olunub. Bu barədə Polşa təmsilçisinin rəsmi saytı məlumat yayıb. Jezniçakla 1+1 şərti ilə müqavilə imzalanıb.

Jezniçak 2017-ci ilin yayından 2019-cu ilin yayına qədər “Qarabağ”da çıxış edib. Onun “Qarabağ”la müddəti bitən müqaviləsi yenilənməmişdi.