Bertran Krasson: “Nəticəyə görə təəssüflənirik”

Lüksemburqun “Düdelanj” klubunun baş məşqçisi Bertran Krasson Avropa Liqasının qrup mərhələsinin sonuncu – 6-cı turunda “Qarabağ”la qarşılaşdıqları oyundan (1:1) sonra mətbuat konfransına qatılıb.

Komanda.az xəbər verir ki, o, matçla bağlı jurnalistlərin suallarını cavablandırıb:

  • Oyunla bağlı düşüncələriniz nədir?
  • Nəticədən çox təəssüflənirəm. Oyunumuzdan razı qaldım. Açıq-aşkar üstün idik. Səfərdə oynayan zaman hər zaman bir pillə geridə olursuz. Bunlara baxmayaraq, oyundan razı qaldım.
  • Öz meydanınızda məğlub olub, səfərdə heç-heçə etməyinizdən sonra nədə məyus olduz?
  • Belə güclü komandaya qarşı bu cür oynayıb, sonda da nəticəni əldən verdiyimiz üçün məyusuq. Rəqib də azlıqda idi. İrəlidə olduqdan sonra hesabın 1:1 olması məyus etdi.
  • Oyun zamanı komanda ilə necə əlaqə saxlayırdız?
  • Telefon vasitəsilə, əvvəlcədən də bunu müzakirə etmişdik. Hər futbolçu öz üzərinə düşəni etdi. Futbolçularımın böyük potensialları var və daha da irəli gedirlər.
  • Sayılmayan qolunuz haqda nə düşünürsüz?
  • Təəssüf ki, sayılmadı. Belə hallara hər oyunda rast gəlmək olur.
  • Bu oyunun önəmi olmasa da, nəticədən və oyundan razı qaldığınızı dediz…
  • Oyunun əhəmiyyəti yox idi, ancaq futbolun qaydası budur. Hər oyun yeni bir macəradır və futbolçularımın inkişaf etdiyini gördüm.
  • Əvvəlki çıxışlarınızda demişdiz ki, bu oyun bəzi futbolçuların özünü göstərməsi üçün şansdır. Bu haqda nə deyə bilərsiz?
  • Çox çətindir cavab vermək. Bu oyunda bir çox futbolçular özünü göstərdilər. Kiminsə adını çəkmək çətindir. Kollektiv halda yaxşı çıxış etdik və bu, kollektivin uğurudur.
  • Lüksemburqda ilk görüşdə xoşagəlməz hadisələr yaşanmışdı. “Qarabağ”ın qonaqpərvərliyindən razı qaldızmı?
  • Burdakı hər şeydən çox məmnun oldum. Yenidən bura gələ bilərəm.

Şahin Cəfərov

Bizi Telegramda izləyin

Bizi Facebook-da izləyin

Əlaqəli yazılar

Back to top button