“Borussiya” qələbəni əldən verdi

Futbol üzrə Almaniya Bundesliqasında 27-ci tura yekun vurulub.

Komanda.az xəbər verir ki, ilk oyun günündə bir qarşılaşma baş tutub.

Açılış qarşılaşmasında “Bohum” və Münhenqladbax “Borussiya”sı üz-üzə gəlib. Qonaqlar bu oyundan inamlı qələbə ilə ayrılıblar.

Turun əksər görüşləri şənbə gününə təsadüf edib. “Qroyter” – “Frayburq” matçında hesab açılmayıb.

Beş qolun qeydə alındığı “Ştutqart” – “Auqsburq” matçı meydan sahiblərinin qələbəsiylə yekunlaşıb. “Herta” “Hoffenhaym”ı, “Maynts” isə “Arminiya”nı darmadağınla yola salıb. Son 2 turda qələbə qazana bilməyən lider “Bayern” də “Yunion”u sınağa çəkib. Münhen təmsilçisi bu görüşdə darmadağına sevinib.

“Leyptsiq” – “Ayntraxt” matçında qapılara qol vurulmayıb. Səfərdə “Volfsburq”la qarşılaşan “Bayer” inamlı qələbəyə sevinib. Turun qapanış matçında isə “Köln” Dortmund “Borussiya”sını sınağa çəkib. Tərəflər bu oyundan hərəyə 1 qol və 1 xalla ayrılıblar.

Almaniya Bundesliqası, 27-ci tur

18 mart

Bohum – Borussiya M 0:2
Qol: Plea, 55. Embolo, 61.

19 mart

Herta – Hoffenhaym 3:0
Qol: Stark, 39. Belfodil, 63. Tuzar, 74.

Qroyter – Frayburq 0:0

Maynts – Arminiya 4:0
Qol: Burkardt, 1; 75. Niakate, 65-pen. İnqvartsen, 79-pen.

Ştutqart – Auqsburq 3:2
Qol: Anton, 44. Marmuş, 79. Tyaqo, 85 – Han, 6. Qreqoritş, 45+1.

Bayern – Yunion 4:0
Qol: Koman, 16. Nyanzu, 25. Levandovski, 45+1; 47.

20 mart

Leyptsiq – Ayntraxt 0:0

Volfsburq – Bayer 0:2
Qol: Paulinyo, 86; 90+2.

Köln – Borussiya D 1:1
Qol: Andersson, 36 – Volf, 8.