“Bavariya” “qal” deyir, o isə…

Almaniyanın “Bavariya” klubu müqaviləsi növbəti mövsümdə başa çatacaq müdafiəçisi David Alabanı komandada saxlamaq niyyətindədir.

Komanda.az “Sky Sports”a istinadən xəbər verir ki, Münhen klubu 28 yaşlı futbolçuya yeni müqavilə təklif edib. Tərəflər arasında ilk görüşün keçirildiyi də bildirilir. Lakin Alaba komandada qalıb-qalmayacağına qərar verməyib.

Alaba 2010-cu ildən “Bavariya”da çıxış edir.