“Barselona”nın sabiq üzvü Meksika klubunda

“Barselona”nın sabiq futbolçusu Covanni Dos Santosun yeni klubu məlum olub.

Komanda.az xəbər verir ki, 30 yaşlı yarımmüdafiəçi “Klub Amerika”ya transfer olunub. Bu barədə klubun rəsmi saytı məlumat yayıb. Covanni ilə imzalanan müqavilənin detalları açıqlanmayıb.

Karyerası ərzində “Barselona”, “Tottenhem”, “Qalatasaray”, “Vilyarreal” kimi komandalarda çıxış edən Covanninin son klubu “Los Anceles Qalaksi” olub.

Yarımmüdafiəçi 107 dəfə formasını geyindiyi Meksika millisində 19 qol vurub.