“Barselona”nın futbolçusu Premyer Liqanın 2 klubunun hədəfində

“Barselona”nın yarımmüdafiəçisi Rafinya Alkantara karyerasını İngiltərədə davam etdirə bilər.

Komanda.az İngiltərə mətbuatına istinadən xəbər verir ki, Premyer Liqanın iki klubu 27 yaşlı futbolçunun xidmətində maraqlıdır. “Everton” və “Vulverhempton” Rafinyanı heyətinə qatmaq niyyətindədir.

Braziliyalı futbolçunun “Selta”nın da maraq dairəsində olduğu bildirilir.

Kataloniya klubu da Rafinyanın satışına müsbət yanaşır. “Barselona”nın Rafinyanın təzminat məbləğini 16 milyon avro olaraq müəyyənləşdirdiyi deyilir.

Rafinyanın “Barselona” ilə müqaviləsi 2021-ci ilin yayında başa çatır.