“Barselona”da daha bir ciddi itki

“Barselona” daha bir ciddi itki ilə üzləşib.

Komanda.az xəbər verir ki, Kataloniya təmsilçisinin yarımmüdafiəçisi Serxi Roberto zədələnib.

O, İspaniya La Liqasının 10-cu turunda Madrid “Atletiko”suna 0:1 hesabıyla məğlub olduqları oyunda sıradan çıxıb.

Artıq Roberto ətraflı müayinədən keçib. Klubun mətbuat xidmətinin yaydığı məlumata görə, sağ ayaq əzələsindən zədə alan futbolçunun durumu ciddidir və o, iki aya yaxın yaşıl meydanlardan kənarda qalacaq.

Serxi Roberto bu mövsüm 10 oyunda meydana çıxıb. 28 yaşlı yarımmüdafiəçi bu görüşlərdə 1 qolla yadda qalıb.

Xatırladaq ki, “Barselona” “Atletiko” ilə oyunda müdafiəçi Jerar Pikeni də itirib. Kataloniya təmsilçisi onun bərpa müddətini açıqlamasa da, təcrübəli futbolçunun təxminən 4-6 ay futbol oynaya bilməyəcəyi iddia olunur.

Bizi Telegramda izləyin

Bizi Facebook-da izləyin

Əlaqəli yazılar

Back to top button