Bakıda yolun bir hissəsi bağlanır – Formula 1-ə görə

19 may saat 23:00-dan Səməd Vurğun – Zərifə Əliyeva küçəsinin kəsişməsindən Neftçilər prospektinə qədər yolun bir hissəsi bağlı olacaq.

Bakı Şəhər Halqası Əməliyyat Şirkətindən (BŞH) Komanda.az-a verilən məlumata görə, bu, Formula 1 üzrə Azərbaycan qran-prisinə hazırlıq işləri ilə əlaqədardır.

Yolun həmin hissəsi yarış bitənədək nəqliyyatın hərəkəti üçün bağlı olacaq.

Azərbaycan qran-prisi 10-12 iyunda keçiriləcək.